ЯҢАЛЫКЛАР

“Күрше” проекты кысаларында үтүче чаралар безнең Сабабызда да бик матур яңгыраш алды, райондашларыбыз, күршеләребез тарафыннан бик җылы кабул ителде.  Әлеге чараның өченчесен 30 август - Татарстан Республикасы көне, шулай ук безнең Саба районы оешканга 95 ел тулуга да багышларга теләдек. Чөнки Татарстанда бик күп районнар бер-берсенә күрше булып яшәсә, районыбыз халкы исә шулай ук бердәм, дус, телебез һәм милләтебез сакчылары буларак матур яшиләр. Гаилә, милли традицияләрне саклау һәм килер буыннарга тапшыруга зур өлеш кертәләр. Шулай ук әлеге чара анда районыбыз башлыгы Рәис Нургалиевич Миннеханов үзе катнашу белән дә истәлекле.

Кунакларны район мәдәният йортлары каршында эшләүче ансамбльләр, курайчылар, гармунчылар каршы алды. Чараны проект җитәкчесе – Саба туган якны өйрәнү музее хезмәткәре Алисә Гимадиева башлап җибәреп, ул барысын да әлеге проектның максаты һәм бурычлары белән таныштырды. Саба районы тарихы, аның кәсепләре турында мәгълүмат бирде. Параллель рәвештә мастер-класслар да барды, анда балалар Саба урман хуҗалыгы, Саба сувениры тарихы белән таныша, үз куллары белән әлеге савыт-сабаларны буяп, әзер сувенирларны исә истәлеккә алып та китә алдылар.  

Киләсе тукталыш - «Йөзек салыш», «Биш почмак» кебек татар халкыбызның милли уеннары, район мәдәният йорты хореографы катнашында татар халык биюе буенча мастер-класс. Әлеге тукталышның максаты-татар сөйләмен тыңлап кабул итәргә һәм аңларга, аңлаешлы тематика, үзләштерелгән сүзләр чикләрендә татарча сөйләшергә өйрәтү. Балаларның кабул итү, игътибарны, хәтерне үстерү; милли уеннарның төрләре белән таныштырып, телебезгә, мәдәниятебезгә кызыксыну уяту.

Әлеге барлык чаралар исә Балалар сәнгать мәктәбе укучылары, район клублар системасы хезмәткәрләре, районыбыз үзешчәннәре көче белән әзерләнгән концерт номерлары белән үрелеп барды.

Иң кызыклы һәм тәмле тукталыш - саф һавада милли ризыкларыбыз белән чәй эчү. Биредә балалар гына түгел, аларның әти-әниләре һәм бәйрәм кунаклары да милли ризыклардан авыз итә алды. Самовар чәе һәм мичтә пешкән коймаклар - бәйрәмнең матур бизәге һәм җылы, рәхәт урыны иде.

Татарстан Республикасы көне - милләтләре, диннәре һәм мәдәниятләре нинди булуга карамастан, төбәкнең барлык халкын берләштерә торган бөтенхалык бәйрәме ул. 29 августа Сатыш авылы мәдрәсәсе музее хезмәткәре Сатыш авылы «Кояшкай» балалар бакчасында тәрбияләнүчеләр өчен «Республикам белән горурланам» дип аталган туган якны өйрәнү сәгатен үткәрде. Чара барышында музей хезмәткәре балаларга Татарстан Республикасы тарихы, аның төп шәһәре - Казан, Татарстан символлары, Татарстанда яшәүче халыкларның күпмилләтле булуы, мәдәнияте һәм гореф-гадәтләре, танылган шагыйрьләр һәм язучыларның исемнәре турында сөйләде.

“Күрше” фестивале «Безнең ишегалды» программасының дәвамы һәм ил масштабында моңарчы күрелмәгән проект. Әлеге бәйгегә Татарстан Республикасы Рәисе Рөстәм Миңнеханов старт биргән иде. «Күрше» фестивале – халык арасында күршелек культурасын үстерүгә, Татарстан ишегалларында гаилә һәм күршелек традицияләрен ныгытуга юнәлдерелгән проект.

Шундый чараларның менә инде икенчесе Байлар Сабасының Дальная урамында үткәрелде. Биредә үзмәшгуль, проектның җиңүчесе Алисә Гимадиева тарафыннан, Саба мәдәният бүлеге, Саба үзәкләштерелгән музейлар системасы белән берлектә “Халкымның күңел бизәкләре” дип исемләнгән чара үтте.

Чараның чираттагысы 30 август-Республика көне уңаеннан үткәреләчәк.

Бөтесоюз Үзәк Башкарма Комитетының 1930 елның 10 августындагы карары нигезендә Татарстанда оештырылган 33 район исәбендә Саба районы да төзелә.

Ул Мамадыш һәм Арча кантоннарындагы Саба, Әбде (26 авыл) Теләче (31 авыл) һәм Чүриле (14 авыл) волостьларын эченә алып, 113 авылны, 8 пүчинкәне, 44 колхозны берләштерә.

Саба туган якны өйрәнү музеенда Саба районы оешуга 95 ел тулу уңаеннан  вакытлыча күргәзмә оештырылды. Әлеге күргәзмә белән танышу өчен музейда кунакка көтеп калабыз!

Саба туган якны өйрәнү музеенда клуб берләшмәсенә йөрүчеләрнең  чираттагы утырышы узды. Әлеге очрашуның темасы Ишан Хәзрәт шәхесенә багышланды. Бүгенге көндә Казанчы-Бигеней авылы зиратында киләчәк буын өчен тарихи мирас булып торучы Ишанның гаилә төрбәсе саклана. Ул ислам дине нигезләрен тирәнтен белүче, шулай ук үләннәр белән дә дәвалаучы, могҗиза тудыручы  кеше буларак үзен танытты. Хәзрәтнең  даны тирә-якка бик тиз таралган, авыл халкы да аны хөрмәт  белән искә ала. Очрашу барышында Ишан Хәзрәтнең кабере янында төшерелгән  видеосюжет каралды, әңгәмә оештырылды, катнашучылар тәэсирләре белән уртаклаштылар.

Нәрсә соң ул коррупция? Саба урман хуҗалыгы тарихы музее хезмәткәрләре мәгълүмат сәгатендә әлеге төшенчәнең эчтәлеген, аның чагылышларын, хәзерге җәмгыятьтәге нәтиҗәләрен ачарга тырыштылар. Россия законнары нигезендә, коррупция-ул хезмәт урыныннан явызларча файдалану, ришвәт бирү һәм алу, коммерцияле ришвәт алу, яисә җәмгыятьнең һәм дәүләтнең законлы мәнфәгатьләренә карамастан, акча, кыйммәтләр, башка милек яки милек характерындагы хезмәтләр рәвешендә файда алу максатларында үз вазыйфаи хәленнән башка законсыз файдалану. Статистикадан күренгәнчә, коррупция үсә генә бара һәм бүгенге көндә бу тема бик актуаль.

Саба урман хуҗалыгы тарихы музеенда 2025 елның 30 июлендә «Бөек Ватан сугышы елларында агач әзерләү»темасына активистлар утырышы үткәрелде. Музей хезмәткәрләре урман эшкәртү эшен оештыру турындагы тарихи фактларны ачарга һәм җыярга ниятләгәннәр иде. Бу тема безнең якның һәр кешесе өчен, бигрәк тә нәфис хатын-кызларыбыз өчен бик мөһим һәм якын. Бөек Ватан сугышы елларында хатын-кызлар, фронтка киткән ир-атларны алыштырып, агач хәзерләүгә зур өлеш кертәләр. Алар урман кисүдә, агач эшкәртүдә, шулай ук армияне һәм тылны агач белән тәэмин итүдә зур хезмәт куйганнар.

«Күрше» фестивале «Безнең ишегалды» программасының дәвамы һәм ил масштабында моңарчы күрелмәгән проект. Әлеге бәйгегә Татарстан Республикасы Рәисе Рөстәм Миңнеханов старт биргән иде. «Күрше» фестивале – халык арасында күршелек культурасын үстерүгә, Татарстан ишегалларында гаилә һәм күршелек традицияләрен ныгытуга юнәлдерелгән проект. Анда үзләре яшәгән ишегалларында кызыклы вакыйгалар үткәрергә теләгән инициативалы гражданнар һәм моңа әзер булган оешмалар катнашты. Ә бу проектта җиңеп чыккан үзмәшгульләр исә күпфатирлы йортларда яшәүчеләр өчен бик кызыклы, эчтәлекле һәм шәп чаралар үткәрәчәк.

Шундый чараларның беренчесе Байлар Сабасының Тынычлык урамында әлеге проектта катнашып грант откан Алисә Гимадиева тарафыннан үткәрелде. Саба мәдәният бүлеге, Саба үзәкләштерелгән музейлар системасы белән берлектә “Халкымның күңел бизәкләре” дип исемләнгән чара үтте.

 Әлеге чара кабаттан 15 августта Байлар Сабасының Дальняя урамында узачак.

2025 елның 23 июлендә Саба урман хуҗалыгы тарихы музеенда балалар  өчен «Оста куллар»дип исемләнгән мастер-класс үткәрелде. Музей хезмәткәрләре чарада катнашучыларны декоратив-гамәли сәнгатьнең кайбер төрләре, технологияләрне һәм материалларны тикшерү ысуллары белән таныштырдылар. Аннары катнашучылар үзләренең барлык фантазияләрен чынбарлыкка аштырдылар.

Татарстан Рәисе Рөстәм Миңнеханов тәкъдиме белән уздырылган «Күрше» халыкара конкурсында җиңүчеләрнең исемнәре һәм йомгаклары беренче июльдә билгеләнде. Ә 14 июльдә җиңүчеләр үз призларын IT-паркта узган бәйрәм чарасында алдылар.
Күршеләр арасындагы дустанә мөнәсәбәтләрне ныгыту максатыннан башланган әлеге проектта үзмәшгульләр дә, коммерцияле булмаган оешмалар да, идарәче компанияләр дә, кече бизнес вәкилләре дә катнашкан. Алар арасында Саба туган якны өйрәнү музее хезмәткәре Алисә Гимадиева да бар. 
Алар тарафыннан 15 июльдән алып 30 сентябрьгә кадәр күпкатлы йортларның ишегалларында төрле юнәлештәге чаралар уздырылачак.