ЯҢАЛЫКЛАР
Сатыш мәдрәсә музее Казан шәһәреннән кунаклар кабул итте
20нче июль көнне Саба урман хуҗалыгы тарихы музее Яр Чаллы шәһәреннән кунаклар кабул итте
19нчы июль көнне Саба урман хуҗалыгы тарихы музее Кукмара районыннан кунаклар кабул итте
Челтер-челтер аккан чишмәләр кемнәрне генә сокландырмый да, кемнәрне генә сихерләми икән. Һәр чишмәнең үз тарихы, үз моңы, үз юлы бар. Бер ишесе шаулап ага, тавышы еракларга ишетелә. Икенчеләренең челтерәве яннарына килгәч ишетелә. Өченчеләре җир куеннынан ургылып чыга да, яшел үзәннәргә җәелә. Чишмәләр - пакълек, чисталык, сафлык билгесе дә. Балаларның игътибарын Байлар Сабасында урнашкан чишмәләр тарихы белән җәлеп итү максатыннан район туган якны өйрәнү музее хезмәткәре экскурсия оештырды. Экскурсия барышында балалар белән чишмәләр янында, чишмәләргә һәм кечкенә елгаларга сакчыл мөнәсәбәт, аларны саклауның мөһимлеге турында әңгәмә үткәрелде. “Ямьле Саба” яр буенда урнашкан чишмәләрнең тарихын тыңладылар, чишмәдән су эчтеләр, кызыксындырган сорауларны бирделәр. Шулай ук әлеге чара вакытында балалар төрле милли уеннарда да актив катнаштылар.